Դոկտոր Թազ Բհաթիան (M.D.) ինտեգրատիվ և շտապ բժշկական օգնության, մանկաբուժության և կանխարգելիչ բժշկության ոլորտներում մասնագիտացած, մասնագիտական հավաստագրում ունեցող բժիշկ է։ Նա նաև մասնագիտացած է կանանց առողջության, քաշի նվազեցման, հորմոնալ հավասարակշռության և սնուցման ոլորտներում։ Նա “Super Woman RX” («Սուպեր կին RX») և “The 21-Day Belly Fix” («Փորի 21-օրյա կարգավորում») բեսթսելեր գրքերի հեղինակն է։ Քսան տարեկանում ունեցած անձնական առողջական խնդիրներն ու առողջապահական համակարգի թերությունները դոկտոր Թազին մղեցին առողջության և առողջ ապրելակերպի այլընտրանքային մոտեցումներ ուսումնասիրելու։ Երիտասարդ ռեզիդենտ լինելու տարիներին, երբ նա ինքն էր առողջական խնդիրների բախվել և հստակ պատասխաններ չէր ստացել, սկսեց փնտրել իր առողջական խնդիրների լուծման ուղիներ։ Ուսումնասիրելով բժշկության տարբեր համակարգեր, այդ թվում՝ չինական բժշկությունը, ասեղնաբուժությունն ու Այուրվեդան, նա բացահայտեց հարուստ գիտելիքներ, որոնք դեռևս չէին դասավանդվում ավանդական բժշկական կրթական ծրագրերում։ Այդ փորձը նրան բերեց CentreSpring MD-ի հիմնադրմանը, որն այսօր ազգային ճանաչում ունեցող բժշկական կենտրոն է։ Այսօր դոկտոր Թազն ու նրա թիմը հետևողականորեն աշխատում են յուրաքանչյուր բուժառուի առողջական խնդիրների հիմնական պատճառները բացահայտելու և առողջության հավասարակշռությունը վերականգնելու ուղղությամբ՝ համադրելով բժշկության տարբեր համակարգերի մոտեցումները, այդ թվում՝ ինտեգրատիվ, ֆունկցիոնալ, չինական և հոլիստիկ բժշկությունը։
